الفرق بين بنات علمى و بنات ادبى

من طرف **مشتاق للرحمن** 2007-03-31, 6:08 pm

بنات الادبي دايما مبتسمين ومفرفشين وشاقين الحلج من كثر الضحك ...

بنات العلمي دايما مكتئبين وماعندهم وقت يضحكون بس عندهم وقت يصيحون ...

بنات الادبي عادي عندهم يروحون المدرسة والا لا والافضل عندهم طبعا انهم مايروحون

لان مايحتاج احد يفهمهم اللهم يحفظون الكتاب ويروحون يسمعون اللي حفظوه ...

بنات العلمي اذا غابوا يوم عن المدرسه أو بس تأخروا يسوون سالفة مايخلون وحده ومايتصلون

فيها يخلونها تشرح لهم وتفهمهم وياخذون الواجبات منها وعقبها يروحون يقعدون على راس

المدرسات علشان يشرحون لهم مرة ثانية وعلشان يتأكدون انهم حصلوا كل المعلومات ومافاتتهم

ولامعلومة ...

بنات الادبي يطلعون من الامتحان وهم شاقين الحلج لان ماتفرق معاهم الدرجات

بنات العلمي يطلعون من الامتحان يصيحون وعلى طول يفتحون الكتاب ويتاكدون من اجوبتهم

وياويلنا لو في جواب والا نص جواب غلط على طول الدموع تنصب والوجه يصفر...

بنات الادبي وفي حصة الاحتياط يقعدون يلعبون أو يسولفون مع المدرسة أو يعيبون عليها وطبعا

طايحيلك حش فيها أو في البنات ...

بنات العلمي في حصة الاحتياط طبعا مايفوتون أي حصة بدون دراسة تلقاهم يدرسون بنفسهم أو

يروحون يدورون على مدرسة فاضية وينادونها علشان تفهمهم إذا في شي مو فاهمينه ...

بنات الأدبي دايما تشوفوهم منحاشين من مدرساتهم وقاصين حصصهم ويتمشون في ساحة

المدرسة كأنهم على الكورنيش ...

بنات العلمي مانشوفهم في الساحة إلا وقت الفرصة ونادرا طبعا والمدرسات أهم إللي ينحاشون

منهم بس لا مفر طبعا للمدرسات .. .

السموحة منكم..............وانامن بنات الادبي
ملاحضه بنات العلمي لازم يصيرون طوال او قصار ودببه يعني سمينه
وبنات الادبي عصقولين
وهذا الكلام زمان وبنات العلمي الحين مايصدقون على الله ان المدرسه تغيب وايذا غابت يستانسون
وانا باالادبي وصديقتي بلعلمي وهي تحلفلي ان بالمتحانات كل الفصل يغش وحنا الادبي اشطر منهم
مافيه ولا وحده تغش ودايم بنات العلمي مشاغبين ويردون على المدرسات ويتهاوشون معه

--------------------------------------------------------------------------------