انا جايلك يارب عاوزين تعرفه ازاي ادخلوا

من طرف المشتاق لنعيم الجنان 2008-07-28, 8:08 am

انا عايزة اكلمكم عن اللى حبوا ربنا ... أنا عايزة اكلمكم عن اللى احلامهم اتغيرت من حب ربنا مش الولد اللى يقعد ثلاثة ساعات يحلم بالبنت والعكس

أنا عايزة أكلمكم عن اللى سهروا الليالى من حب ربنا

مش اللى سهروا يتكلموا فى التليفونات ويفكروا فى حبايبهم بتوع الدنيا

أنا عايزة أكلمكم عن اللى دموعهم نزلت على خدودهم وغرقت خدودهم من حب ربنا

مش اللى بكت علشان واحد او للى بكى علشان واحدة

انا عايزة أكلمكم عن اللى كتبوا شعر لربنا

كتبوا شعر لربنا؟؟؟؟؟؟؟؟؟؟؟؟؟؟؟؟؟؟؟؟؟؟

اه والله كتبوا شعر لربنا ....مش اللى كتب يقول اغلى من حياتى

انا عايزاكوا كلكوا تقولوا .........يااااااااااااااااااااااارب

أنت أغلى من حياتى

بس أوصلك ازاى.......... أوصلك ازاى يارب

طيب أنا صليت ركعتين........مش كفاية

قرأت صفحتين قرآن ........مش كفاية

تركت ايه علشان ربنا....عملت ايه علشان توصل له

أنا عايزة أكلمكم عن اللى ماتوا من حب ربنا

ماتوا من حب ربنا ؟؟؟؟؟؟؟؟؟؟؟؟

اه ماتوا من شدة حبهم لربنا

امراة ذهبت لتزور الكعبة ........بيت ربنا

اخذت تقول يا خلق ......أين بيت ربى؟؟؟؟؟؟؟؟

فدلوها عليه فوضعت خدها على الكعبة ثم حركوها فوجدوها قد ماتت

نعم ماتت

يا جماعة عبد الله بن جحش كتب لربنا جواب بدمه

ايوه بدمه

بيقول يارب انا عايز اقطع اربا اربا من اجلك

انا عايزة اكلمكم عن ناس كتبوا شعر لربنا

ياحبيب القلوب

انت حبيبى (يارب ده انت حبك جميييييييييييل اوى يارب)

أنت أنسى (مبحسش بأى أنس إلا معاك يارب)
وأنت منى قريب
ياطبيب بذكره يتداوى
كل ذى علة فنعم الطبيب

يارب ......ده انا بكون مريض وحد يذكر اسمك امامى

أقوم وأنشط .....من كتر ما أنا بحبك يارب

فليتك تصفوا والحياة مريرة
وليتك تعفوا والأنام غضاب
فليت الذى بينى وبينك عامر وبينى وبين العالمين خراب
إن صح منك الود (لو حبتنى يارب)
فالكل هين (ميهمنيش اى حد يحصل اللى يحصل)
وكل الذى فوق التراب تراب
ايوه دول اللى كتبوا شعر فى حب ربنا......الله سهروا الليالى من حب ربنا

كان السلف بيقولوا يارب.......يارب لانتمنى شىء بعد الموت إلا إنك تتركنا نقوم الليل فى قبورنا
أصل قيام الليل ده خلوة مع الحبيب...أنت فى خلوة مع حبيبك
ولا احد يعكر صفوا الخلوة دى

كان نبينا الكريم صلى الله عليه وسلم يقول:
وددت أنى أقاتل فأقتل ثم أحيا

أقاتل ثم اقتل ثم احيا

ليه دى كانت احلام النبى صلى الله عليه وسلم؟؟؟؟؟؟؟؟؟؟؟؟؟؟؟؟؟؟؟
علشان ربنا......... ايوه علشان كان بيحب ربنا

الرسول صلى الله عليه وسلم كانت احب الناس اليه السيدة عاشة رضى الله عنها
لما اتى ليلا للسيدة عائشة حب ربنا غلب على قلبه
فقال لها ذرينى اتعبد لربى

البنت اللى سابت ربنا علشان واحد....... والولد اللى ساب ربنا علشان واحدة
الرسول صلى الله عليه وسلم ساب الدنيا كلها علشان ربنا سبحانه وتعالى

سعد بن ابى وقاص ابوه كان بيلف الحصير حول رقبته ويحرقه من فوق علشان يخنقه ........ بس علشان ربنا استحمل

سيدنا مصعب بن عمير ساب بلده ووطنه وبيته واهله وكل مايملك علشان ربنا

ايوه كله يهون فى حب ربنا

البنت دلوقتى اللى بتسيب اهلها وتهرب منهم علشان بتحب واحد

مين فينا اللى هيسيب كل حاجة وحشة ويترك المعاصى علشان بيحب ربنا؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا جماعة انتوا حاسين بالكلام ده والمعانى دى ....... ولا لا

لما اقول لك إن رجل قلبه معلق بالمساجد ....... يعنى اللى بيحب واحدة المكان اللى بيتقابلوه فيه بيحبه اوى لانه مكان لقاء حبيبته

أهو المسجد مكان لقاء حبيبك
ايوه المسجد اللى انت بتصلى فيه التراويح أول رمضان........ ده المكان اللى بتقابل فيه حبيبك
يعنى قلبك معلق بالمكان ده ....... يعنى وانت نايم سايب قلبك هنا
وانت فى الدنيا ومشاغلها ......... سايب قلبك هنا

لما اقول لك انتظار الصلاة بعد الصلاة ........ نعم فهمتها الآن
أصل الصلاة دى لقاء الحبيب....... أمتى اقابلك يارب؟؟؟؟؟؟؟؟؟
أمتى يجيى الميعاد و أروح الميعاد من بدرى ...... زى الشاب اللى بيروح قبلها بساعة يقابل حبيبته

أنت روح قبلها بساعة قابل ربنا حبيبك

سيدنا موسى بيقول : وعجلت إليك ربى لترضى

يارب أنا مش جايلك برجلى ...... مش جايلك بسيارتى

أنا جايلك بقلبى........ هو اللى ساقنى اليك

جايلك يارب علشان اصلى فى الصف الاول .......... علشان اخشع بين ايديك

جايلك من العشاء مش همشى غير بعد الفجر يارب.... علشان اعبدك فى مكان لقاء حبيبى

جايلك يارب...... فى رمضان....... وبعد رمضان

جايلك يارب ......... كل حاجة ترضيك هعملها

هاحضر دروس ...... و احفظ قرآن

واتعلم تجويد ........ واقرأ فى الدين

وهسيب كل حاجة حرام وغلط......... علشانك يارب

علشانك يارب........ أعمل كل حاجة ترضيك

أنا جايلك يارب ......... منايا أوصل لك يارب

وعجلت اليك ربى لترضى

وليكن شعارنا

حب الله ما احلاه..................... فهو ربى ولا اريد سواه